Strandgata

World Class við Strandgötu á Akureyri er ein stærsta líkamsræktarstöðin á landsbyggðinni og glæsileg í alla staði. Húsið er byggt út í sjó og er útsýnið því mikið og fallegt. Stöðin er 1500 m² að stærð og öllum þægindum búin.  Mikið var lagt upp úr hönnun hússins og var innanhússhönnun í höndum þeirra Fanneyjar Hauksdóttur og Margrétar Jónsdóttur.

Stöðin inniheldur:

Tækjasal
Tækjasalurinn er rúmgóður og bjartur. Útsýni úr salnum er stórfenglegt, vaðlaheiðin blasir við og Eyjafjörðurinn í allri sinni dýrð. Öll líkamsræktar- og upphitunartæki eru af nýjustu gerð frá Life Fitness og góður teygjusalur er á efri hæð hússins.

Hóptímasal
Fjöldi hóptíma er í boði við Strandgötu: Lyftingar, Zumba, Stöðvaþjálfun.

Búningsklefar eru rúmgóðir. Góð snyrtiaðstaða er og skápar stórir og þæginlegir. Hægt er að kaupa lása í afgreiðslu Átaks. Í búningsklefum er vatnsgufubað og góðar sturtur. Úr búningsklefum er síðan gengið upp á þak hússins til að komast í heitan pott, þar sem glæsilegt útsýni er í allar áttir.

Heiti potturinn hefur vakið mikla lukku og er mikið notaður af viðskiptavinum okkar. Gott er að hvíla lúin bein og liðka vöðvana að æfingu lokinni. Potturinn er einnig mikið notaður af hópum sem koma til æfinga og/eða í Aqua Spa, nudd- og snyrtistofu okkar.

Barnahorn
Aðgangur að barnahorni er viðskiptavinum World Class í boði þeim að kostnaðarlausu. Barnahornið er einungis ætlað fyrir eldri börn sem mögulegt er að skilja eftir ein án eftirlits í skamman tíma. Leyfilegt er að nota leikföng, DVD spilara og sjónvarp svo lengi sem gengið er vel frá eftir börnin. 

Korthafar hafa aðgang að öllum 18 stöðvum World Class ásamt aðgangi að 8 sundlaugum (Árbæjarlaug, Laugardalslaug, Seltjarnarneslaug, Lágafellslaug, Breiðholtslaug, Sundhöll Selfoss, Sundlaugin Hellu & Sundlaug Akureyrar).

EINKAÞJÁLFARAR Í WORLD CLASS STRANDGÖTU