WorldFit

Grunnnámskeið WorldFit

Námskeiðið er fyrir alla sem hafa ekki áður æft WorldFit eða CrossFit.

Farið er yfir út á hvað WorldFit gengur, tæknilegu atriðin í æfingum með eigin líkamsþyngd, undirstöðuatriðin í Ólympískum lyftingum og margt fleira.

Mikilvægt er fyrir nýja iðkendur að hafa þennan tæknilega grunn til að byggja ofan á í framhaldi af grunnnámskeiði. 

Námskeiðið er þrír tímar, 90 mínútur hver og því fylgir mánaðarkort í WorldFit sem virkjast í kjölfarið. Hvar þú tekur grunninn er óháð því hvar þú hyggst mæta í WorldFit; meðlimir fá alltaf aðgang að öllum staðsetningum og tímum WF.

Þjálfari: Helga Guðmundsdóttir

Styrktarþjálfun fyrir konur yfir fertugt

Námskeiðið er 4 vikur og er 2x í viku mánudaga og miðvikudaga kl 9:30 í World Class stöðinni á Tjarnarvöllum inni í Worldfit salnum. Þar verða notuð handlóð, ketilbjöllur og stangir svo eitthvað sé nefnt. Farið vel yfir hreyfingar og passað upp á að fólk læri að beita sér rétt.

Fjölbreyttar styrktaræfingar sem reyna á allan líkamann og einstaka stuttar keyrslur til að auka úthald. Eftir námskeið verður boðið upp á Kraftmiklar konur "framhaldsnámskeið" sem undirbýr iðkendur fyrir almenna WorldFit tíma

Fyrir lengra komna

WorldFit kort veitir aðgang að öllum opnum tímum WorldFit, WorldFit aðstöðunni utan tímatöflu. Iðkendur nota Tímatöfluna í Abler appinu eða hér á síðunni fyrir tímaskráningar, en þar birtast einnig æfingar og önnur skilaboð til meðlima.

Boðið er upp á nokkur mismunandi kort og áskrifitir svo allir geta fundið eitthvað við sitt hæfi.

Athugið að skilyrði er að hafa lokið grunnnámskeiði

WF Mömmur eru tímar fyrir nýbakaðar mæður og börnin þeirra sem vilja koma sér af stað eftir barnsburð undir faglegri handleiðslu þjálfara og verðandi mæður sem hafa fulla hreyfigetu á meðgöngunni. Tímarnir eru hannaðir til að bæta styrk og úthald, auka hreyfigetu og bæta almenna líðan. Það er tekið hressilega á því með styrktaræfingum og úthaldslotum. Þjálfari hefur Pre/Postnatal Fitness Specialist og Core Confidence Specialist réttindi og nokkurra ára reynslu af CF þjálfun.

Tímarnir eru kenndir í Laugum, Tjarnarvöllum og Skólastíg Akureyri.

Æfing dagsins kemur alltaf inn á tímatöflu kvöldið áður. Hægt er að sjá tíma og bóka sig á tímatöflu eða í Abler appinu. Nauðsynlegt er að skrá sig í tíma.

WorldFit Unglingar er þjálfun fyrir 8.-10. bekk sem býður upp á fjölbreyttar æfingar til að bæta almennt hreysti. Áherslur eru lagðar á ólympískar lyftingar, kraftlyftingar, fimleika og þolæfingar ásamt fleiru. Tímarnir fara fram í Kringlunni og Tjarnarvöllum.
 
Markmið WorldFit Unglinga er að fá að blómstra sem einstaklingur, bæta sig í alhliða hreysti og á sama tíma byggja upp sjálfstraust til að taka með sér út í lífið. Allir unglingar geta byrjað í WorldFit Unglingar því hver æfing er aðlöguð að getu einstaklingsins.
 
„Að geta ekki” er ekki ástæða til að skrá sig ekki, heldur frábær ástæða til þess að skrá sig!

Námskeið fyrir 5.-7. bekk sem býður upp á fjölbreyttar æfingar til að bæta almennt hreysti.

Áherslur eru lagðar á ólympískar lyftingar, kraftlyftingar, fimleika og þolæfingar ásamt fleiru.

Markmið WorldFit krakka er að fá að blómstra sem einstaklingur, bæta sig í alhliða hreysti og á sama tíma byggja upp sjálfstraust til að taka með sér út í lífið.

Allir krakkar geta byrjað í WorldFit krakkar því hver æfing er aðlöguð að getu einstaklingsins.

„Að geta ekki” er ekki ástæða til að skrá sig ekki, heldur frábær ástæða til þess að skrá sig!

Hafið samband fyrir upplýsingar um laus pláss á námskeiðum í gangi.