Algengar spurningar.

Já, 18 ára aldurstakmark er í Betri stofu og í búningsklefum hennar.

Fjölskyldumeðlimir með sama lögheimili fá 5% fjölskylduafslátt af kortum.

Já. Korthafar World Class komast frítt í Laugardalslaug, Lágafellslaug í Mosfellsbæ, Sundhöll Selfoss, Sundlaug Hellu, Árbæjarlaug, Sundlaug Seltjarnarness, Sundlaug Akureyrar, Breiðholtslaug, Jaðarsbakkalaug á Akranesi og Sundlaug Vestmannaeyja.

Já. Opnir hóptímar eru á tímatöflu og innifaldir í kortum og námskeiðum.

Já. Korthafar fá afslátt af námskeiðum ef kortið er í gildi á námskeiðstímanum. Án korts greiðirðu fullt gjald fyrir námskeið.

Nei. Kortið er persónulegt og ekki er heimilt að framselja það til annars aðila. Ekki er heldur hægt að leggja áskriftina inn og geyma hana til seinni tíma.

Nei. Við bjóðum ekki upp á að frysta kort eða leggja þau inn vegna fría eða ferðalaga. Ef annað á við, sendu okkur póst á worldclass@worldclass.is.

Öllum kortum fylgir aðgangur að öllum stöðvum World Class ásamt aðgangi að Laugardalslaug, Sundlaug Seltjarnarness, Lágafellslaug, Sundhöll Selfoss, Árbæjarlaug, Sundlaug Hellu, Sundlaug Akureyrar, Breiðholtslaug, Jaðarsbakkalaug á Akranesi og Sundlaug Vestmannaeyja. Korthafar hafa aðgang að öllum opnum hóptímum og fá afslátt af lokuðum námskeiðum. Baðstofukorthafar fá 10% afslátt af þjónustu snyrti- og nuddstofu Laugar Spa (gjafabréf eru undanskilin og afsláttur gildir ekki í vefverslun).

Opnir tímar fylgja kortinu og þú bókar þig í hvern tíma fyrir sig í tímatöflunni. Námskeið eru lokaðir tímar sem greitt er sérstaklega fyrir, og aðeins þeir sem skrá sig hafa aðgang að þeim.

Ótímabundnum samningi, það er mánaðarlegri áskrift, segir þú upp sjálf eða sjálfur í Abler. Skráðu þig inn í Abler-appið eða á sportabler.com, opnaðu samninginn þinn hjá World Class og segðu honum upp þar. Ekki er tekið við uppsögn með öðrum hætti, til dæmis í síma, tölvupósti eða í afgreiðslu. Tímabundnum samningi er ekki hægt að segja upp. Hann gildir út umsaminn tíma. Mánaðargjöld eru ekki endurgreidd, óháð mætingu. Nánar í skilmálum undir Uppsögn.

Þú skráir þig á námskeiðasíðunni.

Heilsuræktarkorthafar fá tvo vinamiða í heilsuræktina í hverjum mánuði (aldurstakmark 13 ára). Baðstofukorthafar fá tvo vinamiða í Baðstofuna í hverjum mánuði (aldurstakmark 18 ára). Þegar þú nýtir vinamiða þarftu að mæta með vininn í afgreiðsluna. Vinamiðar gilda ekki í Ögurhvarfi, Dalshrauni eða Árbæjarlaug.

Skólakort er sérstakt kort fyrir nemendur í námi. Það kemur í tvenns konar útfærslum: • Skólakort – Árssamningur: tímabundinn samningur, greiddur mánaðarlega yfir 12 mánuði. Hann er óuppsegjanlegur og fellur sjálfkrafa úr gildi á lokadegi. • Skólakort – 3 mánuðir, 9 mánuðir og Ár: eingreiðslur sem greiðast í einu fyrirfram. Þær renna sjálfkrafa út á lokadegi. Engin uppsögn nauðsynleg. Undir 18 ára geta keypt skólakortið beint á worldclass.is/kaupa-kort. 18 ára og eldri þurfa að koma í afgreiðslu á næstu stöð World Class með staðfestingu á að vera í námi (t.d. nemendaskírteini eða staðfestingu frá skóla). Skólakort gildir aðeins fyrir heilsurækt, ekki fyrir Laugar Spa eða Baðstofuna.

Já. Þú greiðir fyrstu greiðsluna á kaupdegi og næsta greiðsla kemur í lok tímabilsins. Þannig eru kortin alltaf fyrirframgreidd.

Já. Þú slærð inn debet- eða kreditkortanúmer í greiðsluferlinu.

Já. Áskriftargjaldið getur hækkað einu sinni á ári um sem nemur hækkun vísitölu neysluverðs frá síðustu hækkun.

Þú sækir allar kvittanir inni á aðganginum þínum. Nánari leiðbeiningar eru á hjálparsíðunni.

Þá færðu bréf til áminningar, en áskriftin er áfram virk þar til henni er sagt upp. Skuldfærslan er reynd aftur reglulega. Ef þrír mánuðir eru ógreiddir lokast aðgangurinn og þú færð aðra tilkynningu. Aðgangurinn opnast aftur þegar skuldfærslan tekst.

Uppsagnarfrestur áskriftar er tveir mánuðir og miðast við næstu endurnýjun. Lágmarkstími áskriftar er því þrír mánuðir. Áskrift er sagt upp í Abler og ekki er tekið við uppsögn með öðrum hætti. Mánaðargjöld eru ekki endurgreidd.

Þú getur skipt um greiðslukort á samningnum hvenær sem er. Ítarlegar leiðbeiningar eru á hjálparsíðunni.

Ótímabundnir samningar (mánaðarleg áskrift) eru með tveggja mánaða uppsagnarfresti sem miðast við næstu endurnýjun. Lágmarkstími áskriftar er því þrír mánuðir, og kortið helst virkt út uppsagnarfrestinn. Tímabundnir samningar (t.d. Árssamningur eða Skólakort – Árssamningur) eru aftur á móti óuppsegjanlegir og falla sjálfkrafa úr gildi á lokadegi tímabilsins. Nánari upplýsingar um greiðslufyrirkomulag eru í skilmálunum okkar.

Nei. Eingreiðslukort endurnýjast ekki og gilda út tímabilið sem greitt var fyrir, til dæmis mánaðarkort, þriggja mánaða kort eða árskort. Aðeins þarf að segja upp áskrift.

Öryrkjar fá 15% afslátt af kortum gegn framvísun skírteinis. Afslátturinn gildir ekki af 15 skipta kortum. Ellilífeyrisþegar fá 25% afslátt af árskortum og áskriftarsamningum sem veita aðgang milli kl. 08:00 og 16:00 á virkum dögum og ótakmarkaðan aðgang um helgar. Sjá kort fyrir eldri borgara

Já. Korthafar fá 20% afslátt af stökum tíma í Baðstofunni.

Já. Sem Baðstofukorthafi færðu handklæði á öllum stöðvum World Class, nema á Dalshrauni og Ögurhvarfi.

Á pottasvæðinu á Tjarnarvöllum eru einn heitur pottur og einn kaldur, þurrsauna og innrauður hitaklefi.

Í Kringlunni er útipottasvæði með einum heitum potti og einum köldum. Einnig er sauna og innrauður hitaklefi.

Á pottasvæðinu í Smáralind eru einn heitur pottur og einn kaldur, blautsauna, þurrsauna og innrauður hitaklefi.

Á pottasvæðinu í Vatnsmýri eru einn heitur pottur og einn kaldur, sauna og innrauður hitaklefi.

Á Seltjarnarnesi eru tvær þurrsaunur, ein blautsauna, fótabað og afslöppunarbekkir. Baðstofan er innifalin í Baðstofukortum.

Í Baðstofunni eru sex misheitar saunur, blautar og þurrar, þar af tvær innrauðar. Hver sauna hefur sinn ilm og þema, þar á meðal sítrónu, piparmyntu og lavender. Þú getur upplifað fugla- og lækjarnið, stjörnuhvolfið, sólarupprás eða austurrísku bjálkakofana.

Hópaverðið í Baðstofuna miðast við 10 manns eða fleiri. Sendu fyrirspurnir og bókanir á worldclass@worldclass.is.

Barnagæsla er mönnuð. Starfsfólk sér um barnið á meðan þú æfir og foreldri greiðir fyrir hvert skipti. Barnahorn er ómannað. Þar leikur barnið sér sjálft á ábyrgð foreldris á meðan þú æfir. Korthafar World Class fá frían aðgang.

Stakt skipti kostar 440 kr. Þú getur líka keypt 15 eða 30 skipta kort í afgreiðslu á þeim stöðvum þar sem barnagæsla er. Skiptakort eru án gildistíma. Þú greiðir barnagæsluna fyrirfram í afgreiðslu nema þú sért með gilt barnagæslukort. Þá er merkt við skiptið í gæslunni sjálfri.

Virka daga er ekkert aldurstakmark. Um helgar er 2 ára aldurstakmark og afmælisdagur barnsins gildir. Fjöldi barna í gæslunni er takmarkaður. Náist hámarksfjöldi getur starfsfólk þurft að vísa frá, en þá færðu að vita hvenær næsta pláss losnar.

Miðað er við að barn sé ekki lengur en 1,5 tíma í senn í gæslunni.

Opnunartíma barnagæslunnar finnur þú á síðu hverrar stöðvar á worldclass.is. Gæslan er læst utan opnunartíma og börn geta því ekki leikið sér þar á öðrum tímum. Sé gæslan lokuð má nýta barnahorn á öðrum stöðvum.

Barnið á að koma þurrt, úthvílt og mett. Bleyjubörn þurfa að koma með hreina bleyju því starfsfólk skiptir ekki á börnum. Reynist það nauðsynlegt er foreldri kallað upp. Skiptiaðstaða er í gæslunni sjálfri eða í búningsklefa. Starfsfólk svæfir ekki börn. Þú mátt þó koma með sofandi barn og starfsfólk sinnir því ef það vaknar.

Nei. Börn mega hvorki koma með né neyta matar eða drykkjar á meðan á gæslu stendur.

Já. Sama barnagæslukort gildir í öllum barnagæslum World Class.

Nei. 15 og 30 skipta kortin eru án gildistíma.

Já. Greiða þarf fyrir börn 6 ára og eldri í afgreiðslu World Class þegar korthafar taka þau með í sund. Börn nota almenna búningsklefa, ekki Baðstofuklefa. Frítt er í sund fyrir börn í sundlaugum Reykjavíkur.

Já. WorldFit Mömmur er tími fyrir verðandi og nýbakaðar mæður þar sem börnin eru velkomin með. Að auki eru reglulega í gangi námskeið þar sem börn mega koma með. Sjá námskeiðin.

Sjá stöðvar með barnagæslu og stöðvar með barnahorni. Opnunartími hverrar gæslu er á síðu stöðvarinnar.

Barnahornið er ætlað eldri börnum sem hægt er að skilja eftir ein án eftirlits í skamman tíma á meðan þú æfir. Þar eru leikföng og sjónvarp. Barnahornið er ómannað og hentar ekki ungum börnum sem þurfa gæslu.

Foreldrar. Barnahornið er ómannað og viðskiptavinir bera alla ábyrgð á sínum börnum og gjörðum þeirra. Leikföng og sjónvarp eru til afnota svo lengi sem gengið er vel frá eftir börnin.

Nei. Aðgangur að barnahorni er korthöfum World Class að kostnaðarlausu. Athugið að barnahorn er ómannað og börn eru á ábyrgð foreldra.

Á sama tíma og stöðin sjálf. Barnahornið er opið allan opnunartíma stöðvarinnar.

Nei. Matur og drykkir eru ekki leyfðir í barnahorni.

Frístundastyrkur gildir fyrir öll eingreiðslukortin: Skólakort 3 mánuðir, 9 mánuðir og Ár. Hann gildir ekki fyrir Skólakort – Árssamning (greitt mánaðarlega), því sá samningur er tímabundinn áskriftarsamningur en ekki eingreiðsla.

Almennar upplýsingar um frístundastyrkinn færðu á næstu World Class stöð. Þarftu nánari upplýsingar? Sendu okkur póst á worldclass@worldclass.is.

Forráðamaður velur frístundastyrkinn í kaupferlinu á worldclass.is. Styrkurinn gildir aðeins fyrir kort eða námskeið sem eru að minnsta kosti 10 vikur.

Já, í World Class Laugum. Matseðil vikunnar sérðu á síðu réttar dagsins.

Laugarbarinn býr til margar tegundir af boozti í Laugum. Drykk mánaðarins færðu líka í Egilshöll, Kringlunni, Smáralind, á Selfossi, Seltjarnarnesi, Skólastíg, Strandgötu Akureyri, Vatnsmýri og á Tjarnarvöllum.

Þú getur keypt vatnsbrúsa í afgreiðslunni. Drykkjarbrunnar eru líka í tækjasölunum.

Þú getur keypt lás í afgreiðslunni. Við leigjum líka lása. Þú greiðir fyrir leiguna en færð hluta til baka við skil gegn framvísun greiðslukvittunar.

Húsið lokar 30 mínútum eftir auglýstan lokunartíma. Opnunartíma hverrar stöðvar sérðu á stöðvasíðunum.

Þú notar klefana hjá okkur og ferð beint inn í sundlaugargarðinn eða innilaugina þaðan.

Aldurstakmarkið í stöðvarnar er 13 ára á árinu. Foreldrar og forráðamenn geta sótt um undanþágu fyrir yngri börn hjá stöðvarstjóra á viðkomandi stöð.

Já. Bóka þarf fyrirfram í alla hóptíma. Bókaðu í tímatöflunni á worldclass.is eða í Abler-smáforritinu.

Já. Upplýsingar og skráning eru á síðu Einkaþjálfaraskólans.

Já. Þú færð upplýsingar í afgreiðslu um þá einkaþjálfara sem sjá um líkamsmælingar.

Allar greiðslur fyrir einkaþjálfun fara í gegnum einkaþjálfarann sjálfan.

Fitumæling, ummálsmæling, vigtun, matarráðgjöf, æfingaáætlun og gott aðhald. Hver einstaklingur hefur mismunandi þarfir og einkaþjálfarinn aðlagar æfingar að þeim.

Þjálfari í sal er innifalinn við kaup á korti. Sendu okkur póst á worldclass@worldclass.is til að bóka.

Einkaþjálfarar gefa sjálfir upp verð.

Einn til fjórir geta verið hjá einkaþjálfara á sama tíma.

Á einkaþjálfarasíðunni geturðu valið stöð og þá birtast aðeins þeir einkaþjálfarar sem þjálfa á þeirri stöð.

Einkaþjálfarar starfa sem sjálfstæðir verktakar. Þú finnur lista yfir alla einkaþjálfara World Class á worldclass.is og getur haft samband beint við þann sem þér líst best á.

Sendu umsókn á worldclass@worldclass.is. Einkaþjálfarar hjá World Class eru sjálfstæðir verktakar og ráðning byggir á forsendum World Class.

Til að nýta einkaþjálfara World Class þarftu að vera með kort í World Class.

Já. Þú getur skráð þig á biðlista þegar tími er fullur. Þegar þú skráir þig á biðlistann birtist gulur gluggi þar sem þú getur skráð þig af honum aftur. Þú getur komist inn í tíma allt að 50 mínútum áður en hann hefst. Biðlistinn á einungis við þegar korthafar skrá sig í tíma á vefnum. Hann gildir ekki í afgreiðslu. Ef þú kemst ekki inn af biðlista geturðu komið í afgreiðsluna 5 mínútum fyrir tíma og spurt um laust pláss.

Öll kennsla fellur niður á rauðum dögum nema annað sé tekið sérstaklega fram.

Yfir 500 opnir tímar eru í boði í viku hverri.

Ef þú mætir ekki í bókaðan tíma og hefur ekki afskráð þig með réttum fyrirvara lendirðu í „skammarkróknum“ og getur ekki bókað þig í tíma næstu þrjá daga á eftir. Afbókanir þurfa að berast minnst 50 mínútum fyrir upphaf tímans. Mættu fyrir auglýstan tíma. Laus pláss eru gefin öðrum 5 mínútum áður en tíminn hefst.

Nei, stranglega bannað er að vera með börn í tækjasal. Aldurstakmark í stöðvarnar er 13 ára á árinu, en foreldrar geta sótt um undanþágu fyrir yngri börn hjá stöðvarstjóra.

Nei. Matur og drykkir, aðrir en vatnsbrúsar, eru ekki leyfðir í tækjasal og hóptímasölum.

Nei. Skápa þarf að tæma eftir notkun. Á kvöldin er klippt á lása sem eru eftir og innihaldið gefið til hjálparsamtaka. Komdu með eigin hengilás. World Class ber ekki ábyrgð á verðmætum í skápum.

Já, en þá er skylda að nota heyrnartól.

Nei. Notkun snjallsíma er stranglega bönnuð í búningsklefum og brot getur varðað brottrekstri. Ekki má heldur taka myndir af öðrum í tækjasal án samþykkis þeirra.

Nei. Rakstur er stranglega bannaður í sturtuklefum og gufuböðum.

Í hreinum íþróttafatnaði og hreinum skóm sem ætlaðir eru til æfinga innanhúss. Ekki má æfa ber að ofan í tækjasal, og útiskór og gallabuxur eru ekki leyfð. Í heitum sal eru skór geymdir í skáp og skylda er að hafa með sér stórt handklæði.