Almennt um World Class
World Class starfrækir heilsuræktarstöðvar á 18 stöðum: Laugum, Kringlunni, Háskólanum í Reykjavík, Vatnsmýri, Dalshrauni og Tjarnarvöllum í Hafnarfirði, Ögurhvarfi, Smáralind, Lágafellslaug í Mosfellsbæ, Sundlaug Seltjarnarness, Sundlaugin á Hellu, World Class við Sundhöll Selfoss, World Class Árbæ sem er staðsett í húsnæði Fylkishallar, íþróttahúsi Fylkis, World Class í Breiðholti sem er staðsett við Breiðholtslaug og síðast en ekki síst tvær stöðvar á Akureyri, við Skólastíg og Strandgötu.
Betri stofan í Laugum
Í Betri stofunni eru sjö misheitar blaut- og þurrgufur þar af eru tvær infrarauðrar gufur (infrared sauna). Hver gufa hefur sinn einstaka ilm og má m.a. anda að sér sítrónu, piparmyntu og lavender, svo eitthvað sé nefnt. Ákveðið þema einkennir hverja gufu og þar má m.a. heyra fugla- og lækjarnið, upplifa stjörnuhvolfið sem og sólarupprisu eða hverfa til austurrísku bjálkakofanna.
Í nuddpottinum sem byggður er úr graníti er hægt er að láta þreytuna líða úr sér eða hvíla þreytta fætur í þar til gerðum fótlaugum. Þeir sem vilja ferska upplifun skella sér í kaldan pott eða í heit og köld víxlböð í sérútbúnum klefum, eða baða sig í 6 metra breiðum fossi lystilega hönnuðum af Sigurði Guðmundssyni listamanni. Listilegt handbragð Sigurðar er einstakt og einkennist af handbragði meistara sem á sér engan líkan.
Hvíldarherbergi Betri stofunnar er draumi líkast þar sem íslenskt landslag prýðir veggina ásamt kínversku graníti og listaverkum Sigurðar Guðmundssonar, að ógleymdum arninum sem prýðir miðju stofunnar. Í Betri stofunni er einnig fyrsta flokks veitingaaðstaða, þar sem hægt er að njóta drykkja og veitinga í einstöku umhverfi.
ATH. Aldurstakmark í Betri stofuna er 18 ár.
Einnig er gott að taka með sér lás, en við leigjum þá einnig.
Betri stofan á Seltjarnarnesi
Á Seltjarnarnesi eru tvær þurrgufur, ein blautgufa, fótabað og afslöppunarbekkir.
Viðskiptavinir Betri stofu hafa afnot af baðsloppi og handklæði.
Athugið að það er 18 ára aldurstakmark í Betri stofuna.
Pottasvæði í Kringlunni, Smáralind, Tjarnarvöllum og Vatnsmýriri
Í stöðinni í Kringlunni er útipottasvæði sem samanstendur af einum heitum potti og einum köldum. Einnig er sauna og infrarauður hitaklefi.
Í stöðinni í Smáralind er pottasvæði sem samanstendur af einum heitum potti og einum köldum, blautgufu, þurrgufu og infrarauðum hitaklefa.
Í stöðinni á Tjarnarvöllum er pottasvæði sem samanstendur af einum heitum potti og einum köldum, þurrgufu og infrarauðum hitaklefa.
Í stöðinni í Vatnsmýri er pottasvæði sem samanstendur af einum heitum potti og einum köldum, saunu og infrarauðum hitaklefa.
Pottasvæðin eru innifalið í heilsuræktarkortum.
Frístundastyrkur
World Class er aðili að Frístundakorti í Reykjavík, Kópavogi, Garðabæ, Hafnarfirði, Mosfellsbæ og Seltjarnarnesi. Hægt er að nýta styrkinn í Unglingarhreysti og dansnámskeið. Sum bæjarfélög styrkja einnig kaup á líkamsræktarkortum. Kynntu þér skilmálana í þínu bæjarfélagi.
Tækja- og æfingakennsla
Þjálfarar í tækjasal gefa ráðleggingar um hvaða tímar í tímatöflu geta hentað hverjum og einum. Einnig gefa þeir upplýsingar um námskeið sem World Class stendur fyrir.
Á öllum stöðvum World Class starfa þjálfarar sem eru boðnir og búnir að aðstoða viðskiptavini með allt sem viðkemur heilsu og lífsstíl. Við erum stolt af því að þjálfarar okkar eru vel menntaðir og með mikla reynslu í heilsurækt. Þjónusta þjálfara er viðskiptavinum að kostnaðarlausu nema annað sé tekið fram. Hægt er að fá tíma í tækjakennslu við kaup korts. Skráning fer fram í gegnum tímatöflu.
Aðgangur að sundlaugum
Korthafar fá aðgang að Árbæjarlaug, Breiðholtslaug, Laugardalslaug, Lágafellslaug, Sundlaug Seltjarnarness, Sundlaug Hellu, Sundhöll Selfoss og Sundlaug Akureyrar þeim að kostnaðarlausu.
Aðgangur í Sundlaug Akureyrar er í gegnum búningsklefa World Class á Skólastíg og gildir aðgangurinn því einungis þegar opið er í World Class (og í lauginni).
Ekki er hægt að nota vinamiða í Árbæjarlaug.
ATH! Greiða þarf fyrir sunderðir barna 6 ára og eldri í afgreiðslu World Class þegar korthafar taka þau með í sund. Einnig þurfa börn að nota almenna búningsklefa, þ.e. ekki Betri stofu klefa.
Barnagæsla
World Class býður upp á barnagæslu á eftirtöldum stöðum: Breiðholti, Egilshöll, Laugum og Tjarnarvöllum. Stakur tími kostar 350 kr. en hægt er að kaupa 15 eða 30 skipta kort á betri kjörum.
Opnunartími og nánari upplýsingar um barnagæsluNámskeið
Í World Class eru reglulega haldin fjölbreytt námskeið. Við leggjum mikið upp úr því að hafa eitthvað fyrir alla fjölskylduna. Námskeiðum fylgir aðgangur að öllum 17 stöðvum World Class, 8 sundlaugum og öllum opnum hóptímum. Á námskeiðum er mikið aðhald þar sem fylgst er með mætingum og senda kennarar reglulega tölvupósta með hvatningu og heilsuráðum. Á vissum námskeiðum er vigtun og ástandsmæling í upphafi og við lok námskeiðs. Einnig geta allir þeir sem eru á námskeiðum pantað tíma hjá þjálfara í sal og kennslu á tækin sem kemur þeim af stað í tækjasal samhliða námskeiði.
Skoða námskeiðOpnir tímar
Við bjóðum upp á mikið úrval af skemmtilegum tímum fyrir fólk á öllum aldri. Opnir tímar standa korthöfum til boða þeim að kostnaðarlausu. Sem dæmi um opna tíma má nefna: Spinning, Hot Yoga, Kviður og bak, Zumba, Tabata, Buttlift, Pilates, Yoga, vaxtarmótun og fleiri fjölbreytta tíma. Áhugi og þarfir fólks eru mismunandi og við bjóðum upp á fjölbreytta tíma svo allir geti fundið eitthvað við sitt hæfi.
Skoða opna tímaSkráning á Mínar síður
Til að geta skráð sig í tíma þarf korthafi að stofna aðgang inn á MÍNAR SÍÐUR inni á: www.worldclass.is/nyskraning.
Mínar síður - Skráning í tíma
Bókun í tíma hefst kl. 22:00 8 dögum áður en að tími er á dagskrá. Notendur skulu afbóka sig á vefnum minnst klukkutíma fyrir tímann ellegar á viðkomandi á hættu að lenda í skammarkróknum. Notendur geta einnig hringt og afbókað sig allt að 10 mínútum fyrir tímann.
Á MÍNAR SÍÐUR getur notandi fylgst með mætingu 5 mánuði aftur í tímann, tímaskráningu, skráningu á námskeið sem og hvenær kort viðkomandi rennur út. Notandi getur séð alla tíma sem hann ert skráður í undir MÍN TÍMATAFLA. Einnig er hægt að breyta tölvupóstfangi, heimilisfangi og síma undir BREYTA UPPLÝSINGUM.
Skráning í hóptíma
MIKIL AÐSÓKN er í hóptíma World Class og stundum komast færri að en vilja. Þess vegna er nauðsynlegt að bóka sig fyrirfram í alla hóptíma. Ef ekki er mætt í bókaðan tíma á viðkomandi á hættu að lenda í SKAMMARKRÓKNUM. Það þýðir að viðkomandi getur ekki bókað sig í tíma næstu átta daga.
AFBÓKA þarf tíma á vefnum að minnsta kosti 60 mínútum áður en tíminn á að hefjast.
Ef viðkomandi er ekki mættur 5 mínútum áður en tíminn hefst á hann á hættu að missa plássið sitt og lenda í skammarkróknum. Laus pláss eru gefnir 5 mínútum áður en að tími hefst.
Biðlistinn
Boðið er upp á þann valkost að skrá sig á biðlista þegar tími er fullur. Þegar þú skráir þig á biðlistann birtist gulur gluggi þar sem þú getur skráð þig af biðlistanum. Hægt er að komast inn í tíma af biðlista allt að klukkutíma fyrir tímann. ATH. Biðlistinn á einungis við þegar korthafar skrá sig í tíma á vefnum. Hann gildir ekki í afgreiðslu. Ef viðkomandi kemst ekki inn í tíma af biðlista er alltaf hægt að koma í afgreiðslu 5 mínútum fyrir tíma og biðja um laust pláss.
Ef röðin kemur að þér og þú kemst inn færðu tilkynningu um það í tölvupósti. Ef tölvupósturinn berst ekki ráðleggjum við þér að athuga hvort hann hafi lent í ruslpósti eða hvort þú sért örugglega með rétt netfang skráð á Mínar síður.
Ef þú kemst ekki í tímann er mikilvægt að skrá sig úr tímanum á vefnum með a.m.k. klukkutíma fyrirvara svo við getum hleypt öðrum að (og svo þú sleppir við skammarkrókinn). Ef það er ekki möguleiki þá er einnig hægt að hringja í afgreiðsluna og afbóka tímann með allt að 5 mínútna fyrirvara.
Varðandi tíma sem byrja snemma morguns er mikilvægt að fylgjast vel með því hvort tilkynning berist með tölvupósti. Tilkynningin kemur um leið og þú kemst inn í tímann - sem gæti gerst um miðja nótt. Ef þú hefur ekki í hyggju að vakna um morgunin til að athuga hvort þú hafir komist inn í morguntímann er betra fyrir þig að skrá þig af biðlistanum áður en þú ferð að sofa. Þannig forðast þú að lenda í skammarkróknum.
Dansstúdíó World Class
Markmið okkar er að bjóða upp á vandaða danskennslu fyrir fólk á öllum aldri. Við leggjum mikið upp úr því að nemendur dansskólans kynnist fleiri en einni hlið af dansinum. Þess vegna læra nemendur fleiri en einn stíl á hverri önn. Einnig er lögð mikil áhersla á túlkun, leikræna tjáningu og framkomu. Kennarar DWC eru þaulreyndir þjálfarar, dansarar og danshöfundar með áralanga reynslu að baki í framkomu. Hægt er að nýta frístundastyrkinn við skráningu í dansstúdíóið.