Karfan þín

Tími sem hentar vel golfurum og hlaupurum. 

Warm Yoga er ákveðin samsetning af jógastöðum sem gerðar eru í volgum sal. Hitinn gerir það að verkum að maður hitnar fyrr upp í líkamanum og verður þar af leiðandi sveigjanlegri og kemst betur inn í stöðurnar og svo á sér líka stað mikil uppgufun og losun úrgangsefna eða detox þar sem fólk svitnar yfirleitt í þessum tímum.

Stöðurnar í þessu prógrami eru allar úthugsaðar sem styrktaræfingar í kringum hrygginn og tekið er á öllum vöðvaflokkum jafnt. Mikil áhersla er lögð á hrygginn og alltaf unnið út frá honum. Þetta prógram hefur ákveðinn lækningarmátt og hefur læknað hnévandamál og bakvandamál.

Endurtekningin sem hlaupið gefur okkur er góð en veldur þó álagi á ákveðin liðamót og yogaæfingar geta veitt vörn gegn álaginu. Yoga styrkir ekki bara vöðvana í kringum liðamótin heldur líka jafnvægið.  Yogaæfingar eru gagnlegar til þess að auka meðvitund um líkamsstöðu og  líkamsbeitingu

Þar sem tímarnir eru kenndir í volgum sal er skylda að hafa með sér stórt handklæði til að leggja yfir dýnuna. Litlu World Class æfingahandklæðin eru eingöngu til þess að þurrka svita á íðkanda. Við mælum einnig með að hafa með sér sína eigin dýnu.

 

Vinsamlegast athugið að Warm yoga teygjur er miðatími. 

  1. Notendur geta bókað sig í tíma allt að 7 daga fram í tímann.
  2. Ef um miðatíma er að ræða þarf að gefa sig fram í afgreiðslu og fá miða minnst 5 mínútum fyrir tímann annars lendir viðkomandi í skammakróknum.
  3. Notendur skulu afbóka sig á vefnum minnst klukkutíma fyrir tímann.
  4. Notendur geta einnig hringt og afbókað sig allt að 10 mínútum fyrir tímann. 
  5. Notandi getur séð alla tíma sem hann er skráð(ur) í undir Mín tímatafla.
  6. Undantekningarlaust skal hafa með sér stórt handklæði yfir dýnuna í öllum Hot Yoga tímum World Class.
  7. Mælt er með að þátttakendur hafi með sér dýnur (sínar eigin).
  8. Bannað að ganga inn í salinn ef kennsla er í gangi.
  9. Í sumum tilfellum er hurðum læst 5 mínútum eftir að tími hefst.
Þessi síða notar vafrakökur
Skoða nánar