Karfan þín

Fit Pilates í heitum sal - Framhald

ATH! Námskeiðið sem hefst 11. nóv verður einnig kennt annan hvern laugardag kl. 12:30-13:30.

Fit Pilates leikfimi styrkir allan líkamann og færir þátttakendum langa fallega vöðva. Þjálfar djúpvöðva líkamans, flatur magi, stinnur rass og læri, sterkt bak, betri líkamsstaða og aukinn liðleiki.

Tímarnir eru kenndir í heitum sal. Hitinn í salnum er  37-40°C, sem gerir það að verkum að líkaminn hitnar fyrr upp og verður þar af leiðandi sveigjanlegri og við komust dýpra í teygjum. Hitinn gerir það einnig að verkum að við svitnum meira en ella, hjartslátturinn er hraðari,  húðin hreinsast og iðkendur upplifa meiri vellíðan og endurnýjunaráhrif eða detox eins og það kallast oft.

Fyrst og fremst er verið  að vinna með innri jafnvægisvöðvana í Kjarnanum.* En auk þess þjálfum við stóru vöðvana í kvið og baki, læri, rassvöðva, styrkjum  mjaðmir, hendur og axlir.

  • Enginn hamagangur og læti en virkilega vel tekið á
  • Æfingar á boltanum veita þægilegt vöðva og líffæranudd
  • Stuðlar að betri líkamsbeitingu í daglegu lífi og öðrum íþróttagreinum

Innri jafnvægis vöðvarnar – vöðvarnir sem passa upp á hrygginn og eru grunnurinn fyrir allar hreyfingar. Nefnist ýmsum nöfnum „innra vöðvahúsið“ , djúpvöðvar, kjarnavöðvarnir, Powerhouse eða Core á itensku.

Námskeiðið er ætlað þeim sem hafa einhvern grunn í Fit Pilates.

Innifalið á Fit Pilates framhaldsnámskeiði:

  • Lokaðir hóptímar 2 sinnum í viku.
  • Aðgangur að öllum opnum tímum á öllum stöðvum World Class.
  • Aðgangur að öllum 15 stöðvum World Class.
  • Aðgangur að Laugardalslaug, Sundlaug Seltjarnarness, Breiðholtslaug, Árbæjarlaug, Lágafellslaug, Sundlaug Akureyrar og Sundhöll Selfoss.
  • 10% afsláttur af öllum vörum og þjónustu snyrti og nuddstofunnar Laugar Spa.
  • 20% afsláttur af stökum degi/skipti í Betri stofuna.

Þar sem tímarnir eru kenndir í heitum sal er skylda að hafa með sér stórt handklæði til að leggja yfir dýnuna. Litlu World Class æfingahandklæðin eru eingöngu til þess að að þurrka svita á iðkenda. Við mælum einnig með að hafa með sér sína eigin dýnu.

Þessi síða notar vafrakökur
Skoða nánar