10 grundvallaratriði um mataræðið

1.  Borðaðu fimm til sex sinnum á dag

Lykillinn að velheppnuðu mataræði er að borða fimm til sex sinnum á dag eða á 3 tíma fresti. Aðalmálið er að borða í hverri máltíð lítinn skammt sem mun nýtast okkur sem orka næstu þrjá tímana. Hugsið um það hversu mikla orku þið þurfið við vinnuna í þrjá tíma og borðið samkvæmt því.

2.  Hafið blöndu af próteinum og kolvetnum í hverri máltíð

Staðreyndin er sú að prótein byggir upp vöðva, styrkir ónæmiskerfið og hjálpar líkamanum við að halda insúlíni jöfnu sem leiðir til stöðugrar orku allan daginn í stað þess að finna oft til þreytu. Þau kolvetni sem þú neytir ættu að koma úr t.d. ávöxtum, grænmeti, og litlum skömmtum af grjónum, höfrum, kartöflum og grófu brauði.

3.  "Hæfilegir" skammtar

Hafið þið tekið eftir því hvað allar skammtastærðir hafa stækkað rosalega á seinustu árum? Nú er það ekki lengur lítil kók í flösku heldur er einn líter orðinn “rétti skammturinn”. Brauðin eru orðin að risasamlokubrauðum og allir skyndibitastaðir keppast við að hafa stærri hamborgara og fleiri franskar á disknum okkar. Ekki falla í þessa gryfju, skammtaðu þér þá orku á diskinn sem þú heldur að þú notir næstu þrjá tímana. Gott er að miða við hnefastærð = 1 skammtur.

4.  Skipuleggðu máltíðirnar fyrirfram

Aldrei standa í matar eða kaffitímanum og ekki vita hvað þú átt að fá þér. Allar líkur eru á að þú fáir þér eitthvað óhollt því ekkert hollt var við hendina. ( merkilegt hvað það er samt alltaf eitthvað óhollt við hendina )

Planaðu morgundaginn og skrifaðu jafnvel klukkan hvað þú ætlar að borða og taktu alltaf með þér nesti í vinnuna.

5.  Drekktu vatn

... og nóg af því. Nú erum við í átaki ( er það ekki? )og farin að æfa þrisvar til sex sinnum í viku og jafnvel oftar og það kallar á mikið vatn því líkaminn getur tapað allt að einum líter af vatni við stífar æfingar. Ef þú missir einungis 1% af vatnsbirgðum líkamans getur afkastagetan minnkað allt að 10%.

6.  Ekki borða strax eftir fitubrennsluæfingar

Ef þú tekur morgunbrennslu skaltu gera það á fastandi maga og bíða síðan í klukkutíma á eftir áður en þú færð þér að borða. Það sama gildir um kvöldbrennsluna ef þú vilt fá hámarks fitubrennslu. Tl að fá hámarksbrennslu úr kvöldæfingu skaltu ekki borða 3 tímum fyrir brennsluna.

7.  Notaðu hágæða fæðubótarefni

Heilsudrykkir eru fljótleg og auðveld leið til að fá hina fullkomnu máltíð í líkamann. Nýttu þér þá!

8.  Kepptust við að fá árangur en ekki fullkomnun

Það mun alltaf koma að því að við villumst frá hollu mataræði eða nennum ekki að mæta á æfingar. Láttu það ekki draga úr þér og ekki halda að allt sé unnið fyrir gíg heldur taktu þér tak og komdu þér aftur á beinu brautina.

9.  Verðlaunaðu sjálfan þig

Þegar vikan er búin að vera frábær matar og æfingarlega séð vertu ekki hrædd(ur) við að umbuna þig með góðri máltíð á nammideginum. 

10.  Ekki gefast upp
Ef kílóin fara ekki alveg eins hratt af og þú óskaðir er gríðarlega mikilvægt að halda sínu dampi og gefast ekki upp. Þú hefur alla þá vitneskju sem þú þarft fyrir framan þig og þetta er í raun meiri spurning um viljastyrk og trú þína á sjálfum þér. Trúðu að þú getir þetta og þér eru allir vegir færir.