Æfingarnar – nokkur hollráð

Æfingaráætlun

Reyndu að fylgja æfingaráætlun þinni eins vel og kostur gefst. Ef þú ert ekki alveg örugg(ur) á því hvernig æfingarnar eru framkvæmdar skaltu ekki hika við að spyrja leiðbeinanda þinn, það eykur sjálfsöryggi þitt og tryggir að þú sért að gera æfingarnar rétt sem dregur úr hættu á meiðslum og slysum. Skoðaðu einnig vel kaflann um æfingar sem fer hér á eftir

Drekktu vatn og nóg af því

Líkami okkar er að mestum hluta til vatn eða um 50-60% og því er mikilvægt að við hugum vel að vökvaneyslu hvern einast dag og líka á nammidögum. Æskilegra er að drekka reglubundið yfir allan daginn í stað þess að drekka mikið magn í einu. Ef við drekkum smátt og smátt yfir daginn heldur líkaminn vökvanum frekar eftir í stað þess að við pissum honum strax út aftur. Við mikið líkamlegt erfiði geturðu misst allt að 1½ líter af vatni með svita og útgufun. Því er nauðsynlegt að mæta vökvatapi með því að drekka nægjanlegt vatn. Vatn inniheldur engar kaloríur og þú þarft að vera ansi dugleg(ur) til þess að vera að drekka of mikið af því. Besti mælikvarðinn á það hvort nóg er drukkið er liturinn á þvaginu, en æskilegt er að þvagið sé ljóst, nánast eins og vatn yfir daginn.

Fjölbreytni

Líkami okkar er tiltölulega fljótur að aðlagast aðstæðum og því þarf að hafa hreyfinguna fjölbreytilega og með nýjum áherslum og auknu álagi eftir því sem á líður. Leiðbeinendur þínir munu leggja áherslu á það að koma líkamanum á óvart með nýjum æfingum. Þú þarft aftur á móti að koma honum á óvart með því að auka álagið eftir Því sem styrkur þinn og úthald eykst og þú nærð betri tökum á æfingunum og sæmhæfingin verður betri. Fjölbreytni verður svo til þess að þú verir síður leið(ur) á æfingunum.

Hvíldin er mikilvægur hluti af heildinni