Almennar spurningar

Hvað er innifalið í korti í World Class?
Hægt er að fá tíma hjá þjálfara í sal sem útbýr æfingaáætlun með því að panta tíma í afgreiðslu. Þú hefur aðgang að öllum opnum tímum á tímatöflu og færð afslátt af lokuðum námskeiðum. Korthöfum í heilsurækt býðst 10% afsláttur á þjónustu snyrti- og nuddstofu Laugar Spa og korthöfum Betri stofunnar býðst 15% afsláttur (gjafabréf eru undanskilin).
Korthafar greiða kr. 4.390.- í stað kr. 5.490.- fyrir stakan dag í Betri stofunni þar sem þeir fá handklæði og baðslopp í hverri heimsókn.

Betri stofan í Laugum
Laugar er fyrsta flokks heilsulind með baðstofu þar sem slökunar- og lækningamáttur vatnsins er í hávegum hafður. Misheitar blautgufur og þurrgufur með mismunandi ilm, nuddpottur með jarðsjó, heit og köld sjóböð og sérstakar fótalaugar. Hvíldarherbergi Betri stofunnar er draumi líkast þar sem íslenskt landslag prýðir veggina. Kortin gilda í allar 12 heilsuræktarstöðvar World Class, og sex sundlaugar sem korthafar hafa aðgang að: Laugardagslaug, Sundlaug Seltjarnarness, Árbæjarlaug, Sundhöll Selfoss, Lágafellslaug og Breiðholtslaug. Betri stofan er innifalin í Betri stofu kortum.

Betri stofan á Seltjarnarnesi
Á Seltjarnarnesi eru 2 þurrgufur, 1 blautgufa, fótabað og afslöppunarbekkir. Betri stofan er innifalin í Betri stofu kortum.

Betri stofan í Smáralind
Betri stofa samanstendur af tveimur heitum pottum, blautgufu, þurrgufu, infrarauðum hitaklefa og slökunarbekkjum. Betri stofan er innifalin í heilsuræktarkortum.

Hvernig fæ ég kvittun?
Hægt er að fara á næstu World Class stöð og biðja móttökuna um að prenta út kvittun.

Er hægt að fá greiðslukvittun senda með tölvupósti?
Já, sendu kennitölu þína á worldclass@worldclass.is

Eru kort í áskrift fyrirframgreidd?
Þú greiðir fyrstu greiðsluna á kaupdegi og svo kemur önnur rukkun í lok mánaðarins, sem þýðir að kortin eru fyrirframgreidd.

Er hægt að gera nafnabreytingu á kortum?
Við leyfum nafnabreytingu einu sinni á korti.

Er hægt að fara í áskrift bæði með kreditkorti og af bankareikningi?
Já. Þú þarft að gefa upp kortanúmer og skrifa undir boðgreiðslusamning eða gefa upp bankaupplýsingar og skrifa undir beingreiðslusamning.

Hvernig er greiðslufyrirkomulagi á ótímabundnum samningum háttað? *Binditími er 2 mánuðir.
Einn mánuður er fyrirframgreiddur, því oftast um tvær greiðslur að ræða fyrsta mánuðinn. Síðasti mánuður áskriftarinnar er ekki rukkaður.

Fyrsta greiðslan er gerð á kaupdegi og er staðgreiðsla. Eftirfarandi greiðslur í áskrift greiðist í byrjun hvers mánaðar óháð kaupdegi. Tímabilið miðast við kaupdag hvers viðskiptavinar. Áskriftin heldur áfram þar til skrifleg uppsögn berst, óháð mætingu. Uppsagnafrestur er tveir mánuðir og miðast við næstu mánaðarmót frá uppsögn.

Áskriftargjaldið er innheimt í byrjun hvers mánaðar með sjálfvirkri skuldfærslu af kreditkorti eða af bankareikningi. Gjaldið er innheimt, óháð mætingu, þar til uppsögn er lögð inn með viðeigandi uppsagnarákvæði.

Takist skuldfærslan fyrir mánaðargjaldinu ekki um mánaðarmót, berst bréf til viðskiptavinar til áminningar. Áskriftin er engu að síður virk þar til sagt er upp. Ef þrír mánuðir eru ógreiddir lokast aðgangurinn ásamt því að send er önnur tilkynningu til viðskiptarvinar. Skuldfærsla fyrir fullu mánaðargjaldi er reynd aftur reglulega en ekki er opnað á aðgang aftur fyrr en skuldfærsla tekst. 

World Class áskilur sér rétt til verðbreytinga. Áskriftargjald samninga getur hækkað einu sinni á ári um sem nemur hækkun á vísitölu neysluverðs til verðtryggingar frá síðustu hækkun. Hækki World Class gjaldið umfram það getur áskrifandi sagt upp áskriftinni fyrirvaralaust.

Áskriftargjald ótímabundinna samninga má hækka einu sinni á ári um sem nemur hækkun á vísitölu neysluverðs til verðtryggingar frá síðustu hækkun.

Er sama gjald á námskeið fyrir meðlimi World Class og aðra?
Ef þú ert ekki með kort í World Class þá greiðir þú fullt gjald fyrir námskeið. Korthafar fá afslátt af námskeiðum ef kortið er í gildi yfir námskeiðstímann.

Get ég lagt kortið inn?
Við bjóðum ekki upp á innlögn á kortum vegna sumarleyfa en ef um lengri tíma er að ræða eða óviðráðanlegar aðstæður þá skoðum við málið. Hægt er að framvísa vottorði vegna veikinda í lengri tíma en 4 vikur.

Er fjölskylduafsláttur í boði?
Við bjóðum upp á 5 % fjölskylduafslátt af kortum fyrir alla fjölskyldumeðlimi með sama lögheimili.

KORTHAFAR Í BETRI STOFUNNI 
Fá tvo vinamiða í Betri stofuna í hverjum mánuði.
KORTHAFAR Í HEILSURÆKT Fá tvo vinamiða í heilsuræktina í hverjum mánuði.

Ef keypt er árskort í Betri stofuna býðst maka uppfærsla á heilsuræktarkorti í kort í Betri stofuna á kr. 55.000.-


Er frítt í sund fyrir viðskiptavini World Class?
Það er frítt í sund í Laugardalslaug, Lágafellslaug í Mosfellsbæ sundhöll Selfoss, Árbæjarlaug, Sundlaug Seltjarnarness og í Breiðholtslaug fyrir korthafa World Class.

Gengur stakur dagur eða mánaðarkort upp í árskort?
Ef þú kaupir annað kort innan viku til 10 daga þá gengur það upp í kortið.

Barnagæslan


Hvenær er barnagæslan opin?
Hægt er að sjá opnunartíma barnagæslu á heimasíðu okkar undir hverri stöð fyrir sig.

Hvar er boðið upp á barnagæslu?
Barnagæsla er í Laugum, Seltjarnarnesi, Mosfellsbæ, Egilshöll, Breiðholti og Ögurhvarfi. Við erum með barnahorn í Hafnafirði og í Kringlunni.

Er hægt að kaupa klippikort í barnagæsluna?
Stakt skipti fyrir barn kostar kr. 200.-. 15 skipta kort kostar kr. 2.250.- 30 skipta kort kostar kr. 3.900.-

Gilda barnagæslukortin á öllum stöðvum?
Já hægt er að nota sama barnagæslu kort á öllum barnagæslum World Class.

Er gildistími á barnagæslukortum?
Þetta eru skiptakort án gildistíma.

Hve lengi er barn í gæslu?
Miðað er við að barn sé ekki lengur en 1,5 tíma í senn í gæslunni.

Frístundakort


Hvernig nota ég frístundakort?

Til að nýta frístundarstyrk í greiðslu fyrir kort eða námskeið er farið inn á https://worldclass.felog.is  og gengið frá ráðstöfuninni þar.


Hvar fæ ég upplýsingar um notkun og ráðstöfun frístundakorts?
Hægt er að nálgast almennar upplýsingar um frístundakortin á næstu World Class stöð. Ef þörf er á frekari upplýsingum um frístundakortin er hægt að senda tölvupóst á arny@worldclass.is

Afgreiðsla


Hvernig kemstu í sund frá Laugum?
Þú notar klefana hjá okkur og ferð beint inn í sundlaugargarðinn eða í innilaugina þaðan.

Eru þið með vatnsglös/brúsa?
Hægt er að kaupa vatnsbrúsa í móttöku World Class. Eins eru litlir drykkjarbrunnar í tækjasölunum.

Er sólahringsopnun í World Class
Sólarhringsopnun er í World Class Kringlunni.  Hana geta allir korthafar World Class notað en virkja þarf þann aðgang sérstaklega í næstu afgreiðslu World Class.

Hvað er aldurstakmarkið í World Class?
Aldurstakmarkið í tækjasal er 15 ára. Hægt er að fá undanþágu með því að fylla út sérstakt eyðublað hjá stöðvarstjóra hverrar stöðvar.

Er hægt að kaupa boozt á öllum stöðvum World Class?
Laugarbarinn býr til boozt í Laugum. Hægt er að kaupa tilbúið boozt í afgreiðslunni í Egilshöll og í Ögurhvarfi.

Er hægt að leigja eða kaupa lása?
Hægt er að kaupa lása á kr. 1.800.-  Við leigjum einnig lása, þú greiðir kr. 2000.- fyrir leiguna en færð kr. 1600.- til baka við skil gegn framvísun greiðslukvittunar.

Þarf ég að bóka mig í tíma?
Já það þarf að bóka sig í allflesta tíma. Nánar um tímabókanir, biðlista & skammarkrók hér.

Betri stofan 

Ég er í Betri stofunni og fæ handklæði þar. Fæ ég handklæði á öllum stöðvum World Class?
Fyrir Betri stofu gesti er hægt að fá handklæði í móttökunni á öllum okkar stöðvum.

Hvað kostar fyrir hópa í Betri stofuna?
Hópaverðið í Betri stofuna miðast við 10 manns og fleiri. Sjá nánar á laugarspa.is undir Betri stofan.

Þjálfarar

Hvað kostar að fá þjálfara í sal til að kenna mér á tækin og gera með mér æfingaráætlun?
Þjálfari í sal er innifalinn í kortinu. Þú einfaldlega pantar tíma hjá þjálfara í móttöku viðkomandi stöðvar og þjálfarinn kennir þér á tækin og setur upp fyrir þig æfingaáætlun ef þú óskar þess.

Hvert á að snúa sér til að fá einkaþjálfun?
Einkaþjálfarar eru verktakar og eru á heimsíðu okkar undir „einkaþjálfun“. Eins er hægt að senda póst á deildastjóra einkaþjálfara hrafnhildur@worldclass.is.

Er boðið upp á mælingar og næringarviðtal hjá World Class?
Þú getur pantað tíma í mælingu og/eða næringarviðtal í næstu móttöku World Class.

Er hægt að nýta þjálfara í sal oftar en einu sinni?
Hægt er að panta tíma hjá þjálfara í sal með 6 vikna fresti þér að kostnaðarlausu.

Hvernig veit ég hvaða einkaþjálfari er á hverri stöð?
Hægt er að skoða nánari upplýsingar um einkaþjálfarana á heimasíðunni með því að smella á viðkomandi einkaþjálfara.

Hvað kostar að fara í einkaþjálfun?
Einkaþjálfarar gefa upp verð.

Hvað geta margir verið saman hjá einkaþjálfara í einu?
Einn til fjórir geta verið hjá einkaþjálfara á sama tíma.

Hvar greiði ég fyrir einkaþjálfun?
Allar greiðslur fyrir einkaþjálfun fara í gegnum afgreiðsluna.

Þarf ég að eiga kort til að fara í einkaþjálfun?
Til að nýta sér þá einkaþjálfara sem starfa hjá World Class þarf viðkomandi að vera með kort í World Class.

Hvað er innifalið í einkaþjálfun?
Fitumæling, ummálsmæling, vigtun, matarráðgjöf, æfingaráætlun og gott aðhald. Hver einstaklingur hefur mismunandi þarfir og leitar einkaþjálfarinn leiða til að þjálfa viðkomandi upp eftir hans þörfum og óskum.


Tímar

Þarf að fá miða í hóptíma?
Við erum með rafrænt miðakerfi í alla tíma World Class. Þú getur bókað þig í tíma í gegnum heimasíðuna okkar, símann þinn og í gegnum iPad. Þú færð afhentan miða í móttökunni og verður að sækja hann í síðasta lagi 5 mínútum fyrir tímann.

Hvernig virkar skammarkrókurinn?
Ef ekki er mætt í bókaðan tíma á viðkomandi á hættu að lenda í skammarkróknum. Það þýðir að viðkomandi getur ekki bókað sig í tíma næstu fimm daga. Hægt er að afbóka tíma á vefnum allt að 60 mínútum áður en tíminn á að hefast, einnig er í boði að hringja til þess að afbóka.
Gott er að hafa í huga að í raun byrja miðatímar 5 mínútum fyrir auglýstan tíma í tímatöflu þar sem lausir og ósóttir miðar eru gefnir 5 mínútum áður en tími hefst

Er hægt að skrá sig á biðlista í opna tíma?
Já boðið er upp á þann valkost að skrá sig á biðlista þegar tími er fullur. Þegar þú skráir þig á biðlistann birtist gulur gluggi þar sem þú getur skráð þig af biðlistanum. Hægt er að komast inn í tíma allt að klukkutíma fyrir áður en hann hefst.
ATH. Biðlistinn á einungis við þegar korthafar skrá sig í tíma á vefnum. Hann gildir ekki í afgreiðslu. Ef viðkomandi kemst ekki inn í tíma af biðlista er alltaf hægt að koma í afgreiðslu 5 mínútum fyrir tíma og biðja um ósótta miða ef einhverjir eru.

Eru opnir tímar á tímatöflu innifaldir í kortinu?
Já við erum með mikið úrval opinna hóptíma við allra hæfi á stundatöflu sem eru innifaldir í kortum og námskeiðum.

Eru hóptímar kenndir á löggildum frídögum?
Öll kennsla fellur niður á rauðum dögum nema annað sé tekið sérstaklega fram.

Hvaða tímar eru í boði?
Við erum með yfir 400 opna tíma í boði í viku hverri. Hægt er að sjá tímatöflur á heimasíðunni undir hverri stöð fyrir sig.